నికార్సయిన నిజాలు

 మాట అనటం చాలా తేలిక.. 
కాని మాట విని ఓర్చోగలగటం అంత సులువు కాదు
ఎవరి స్థితిగతులను ఎవరూ నియంత్రించలేరు
కాలమే సరైనా సమాధానమౌ గాక..

:

మనం మంచికి యత్నించి ముళ్ళును

దారి నుండి తొలగిస్తే

అదే ముళ్ళు మన కాలికే గుచ్చుకునట్టు

నేను మంచి చేయాలని చూసినా

అది చెడుగా మారి నన్నే చుట్టుకునట్టు

:

ఎంతో లేదు నీ జీవితం

నువ్వు ఊపిరి బిగపట్టి విడిచే నిడివే

ఆ ఊపిరే తట్టుకుంటే

అదే నీ చివరి మజిలి

:

అందరి మంచి కోరే వారికి చివరిన కొరివే మిగిలినట్టు

విశ్వాసం లేని చోట కుక్క కూడా నక్కలా మారినట్టు

:

ఆశలు పేక మేడలే 

ఆశయాలు మూల స్తంభాలు

జీవితం క్షణకాలమే

కీర్తి ప్రతిష్టలు మాత్రమే తాయిలాలు

:

నీ గాయానికి లేపనం లేనపుడు

కాలానికే వదిలేయి గాటుగా మిగిలి ఉంటుంది

కాదని గెలికితే

గాయమే పెను ప్రమాదమై అసలుకే ఏసరై నీరుగారిపోతుంది

:

కాలానికి మించి మిక్కిలిదంటు ఏమి లేదు

రాజు లేడు రాణి లేదు బంటు లేడు

:

కన్నులు లోకాన్ని అవలీలగా చూస్తాయి

కాని

సంద్రాన్ని లోలోపలే అలవోకగా దాచుకుంటాయి

:

బంధం కాని నేను నీకు

అవసరమై మిగిలిపోయాను

అద్దం లాంటి మనసులో

నీ ప్రతిబింబాన్ని దాచుకున్నాను

ముక్కలై పోయింది దర్పణం

కాని ప్రతి ముక్కలో నీ రూపమై వెలుగుతున్నాను